MGUPE401 Pedagogikk og elevkunnskap, emne 4 - Den forskande, nyskapande og etisk medvitne lærar

Innhald og oppbygging

Pedagogikk og elevkunnskap er eit kulturfag som skal gi studentane forståing for læraren og skulen si rolle i samfunnet. Kjerneområda i faget dreiar seg om oppseding, utdanning og danning.

I dette emnet skal studenten utvikle eit analytisk og kritisk perspektiv på arbeidet i skulen og sin eigen praksis som framtidig lærar. Dette skal forankrast i pedagogisk forskings- og utviklingsarbeid og i etiske grunnlagsproblem.

Emnet inngår som det siste av fire emne i faget Pedagogikk og elevkunnskap i grunnskulelærarutdanninga 5-10. Emnet går parallelt med masteroppgåva i 5. studieår.

• Danning, oppseding og utdanning i eit kritisk perspektiv
• Skole- og utdanningspolitiske diskursar
• Pedagogiske grunnsyn og perspektiv på læring
• Pedagogisk forskings- og utviklingsarbeid i teori og praksis
• Etisk teori og profesjonsetikk

Læringsutbytte

Ved fullført emne skal studenten ha fylgjande totale læringsutbytte:

Kunnskapar

Studenten 

• har avansert kunnskap om elevens danning i eit pluralistisk samfunn
• har avansert kunnskap om elevens læring, sosialisering og identitetsutvikling 
• har avanserte kunnskapar om konsekvensar av ulike pedagogiske grunnsyn
• har avanserte kunnskapar om problemstillingar i pedagogisk forskings- og utviklingsarbeid i teori og praksis
• har avanserte kunnskapar om etiske modellar, normer og prinsipp som gjeld når ein skal utøva lærarprofesjonen

Ferdigheiter

Studenten 

• kan kritisk vurdere skulen sin rolle og funksjon i samfunnet
• kan kritisk analysere og bruke skulens verdigrunnlag 
• kan kritisk drøfte utfordringar i realiseringa av gjeldande læreplan og andre styringsdokument 
• kan identifisere og drøfte profesjonsetiske spørsmål med grunnlag i etisk teori, og kan med utgangspunkt i forskingsbasert og profesjonsretta kunnskap grunngje eigne pedagogiske og etiske val

Generell kompetanse

Studenten

• kan drøfte didaktiske konsekvensar, utfordringar og moglegheiter i ein utviklingsorientert skule
• kan bruke relevant forsking som grunnlag for utvikling og endring av pedagogisk praksis og som grunnlag for ei masteroppgåve

Krav til forkunnskapar

Ingen

Tilrådde forkunnskapar

MGUPE101, MGUPE201, MGUPE301

Undervisnings- og læringsformer

Det vil bli brukt varierte undervisnings- og arbeidsmåtar, med vekt på studentaktivitet og casestudium. Litteraturseminar og verkstader knytt til sentrale tema i emnet med bruk av norsk og internasjonal forskingslitteratur. Det er ein føresetnad at studentane deltek aktivt i undervisninga, og at dei arbeider med lærestoffet på eiga hand. Refleksjon og kritisk drøfting av teori og praksis er sentralt i emnet.

Obligatorisk læringsaktivitet

Godkjent arbeidskrav er gyldig i det påfølgjande semesteret etter godkjenninga.

• Det er obligatorisk oppmøte i seminar, ulike øvingar og arbeid i grupper. Fråværsgrense er 20%
• Ei skriftleg oppgåve med relevans for masteroppgåva
• Ei munnleg oppgåve knytt til ein profesjonsetisk case

Nærare retningslinjer vil vere klare ved semesterstart. 

Arbeidskrava må være fullført til fastsette fristar og godkjent før ein kan gå opp til eksamen. 

​

Vurderingsform

Semesteroppgåve: Tema/problemstilling analysert og drøfta i lys av teori og forskingslitteratur. Spesifiserte retningslinjer vil føreligge ved studiestart.

Omfang: 3000 ord (+/-10%)

Karakterskala: A - F, der F svarar til ikkje bestått.

Hjelpemiddel ved eksamen

Alle

Meir om hjelpemiddel