Førsteamanuensis

Kristine Fjordheim

Arbeids- og kompetanseområde

Eg er geograf med hovudvekt på natur- og miljøgeografi og med særleg interesse for historisk geografi og samspelet mellom natur og menneske gjennom tidene. I tillegg har eg fagleg bakgrunn innan samfunnsgeografi.

Mine interessefelt er særleg knytt til:

  • Kulturlandskap, historisk arealbruk og jordbrukshistorie
  • Vegetasjonshistorie, biogeografi og pollenanalyse
  • Skjøtsel og restaurering av kulturlandskap og biologisk mangfald
  • Samspel mellom naturforhold, klima og menneskeleg aktivitet
  • Ressursutnytting og berekraftig utvikling
  • Feltarbeid, historiske kjelder og geografiske informasjonssystem (GIS)
  • Geografididaktikk, feltundervisning og utvikling av geografisk forståing


Eg underviser i 

Eg underviser i geografi under samfunnsfag på grunnskuleutdanninga, og eg er emneansvarleg på MGUSA101.


Eg forskar på 

Eg forskar på korleis naturforhold og menneskeleg aktivitet har forma vegetasjon og kulturlandskap gjennom historia. Ved å kombinera pollenanalysar frå myr- og innsjøsediment med undersøkingar av dagens vegetasjon og historiske kjelder rekonstruerer eg vegetasjonshistorie og tidlegare arealbruk. Forskinga omfattar mellom anna tradisjonell utmarksslått, skogshistorie og samanhengar mellom historisk ressursbruk, skjøtsel og biologisk mangfald.

Eg forskar òg på geografididaktikk, særleg korleis feltarbeid, ekskursjonar og bruk av geografiske kjelder kan bidra til å utvikla geografisk forståing hjå elevar og lærarstudentar. Her er eg spesielt interessert i korleis eigne erfaringar og observasjonar i landskapet, kombinert med fagkunnskap og historiske perspektiv, kan bidra til læring.

 

Underviser i
  • MDIP550C, Masteroppgåve - Samfunnsfag/Religion, 26/27
  • MGBSA101, Samfunnsfag 1, emne 1 - Innføring i samfunnsfag 1 , 26/27
  • MGBSA401, Samfunnsfag 2, emne 2 - Fordjuping i samfunnsfag 2, 26/27
  • MGUSA101, Samfunnsfag 1, emne 1 - Innføring i samfunnsfag 1, 26/27, emneansvarlig
  • MGUSA102, Samfunnsfag 1, emne 1 - Innføring i samfunnsfag 1, 26/27
  • MGUSA131, Samfunnsfag 1, emne 1 - Innføring i samfunnsfag 1, 26/27
  • MGUSA501, Samfunnsfag 3, emne 1 - Samfunnsfagleg forsking og litteratur, 26/27
  • MGUSA502, Samfunnsfag 3, emne 2 - Samfunn, utdanning og læring, 26/27
  • MGUSA503, Samfunnsfag 3, emne 3 - Forskingsmetodar og kjeldekritikk, 26/27
  • MGUSA550, Samfunnsfag 3, emne 4 - Masteroppgåve, 26/27