Pedagogisk akademi ved HVL

HVL sitt Pedagogiske akademi blei etablert i 2026 med føremål om å støtte delingskultur, læringskultur og kvalitetskultur for utdanningane ved HVL. Akademiet er ein kollegial delingsarena på utdanningsområdet leia og driven av dei meritterte undervisarane, med fagleg og administrativ støtte frå Avdeling for utvikling av læring og undervisning (ALU).

Pedagogisk akademi – 27 meritterte undervisarar

Ved HVL oppnådde 5 undervisarar status som merittert undervisar i 2022, 9 i 2023 og 13 i 2025. Desse 27 meritterte undervisarane utgjer det pedagogiske akademiet ved HVL.

Føremål

Til å byrje med blir akademiet sett på som ein møteplass for meritterte undervisarar for idéutveksling og erfaringsdeling, og eit samlingspunkt for pedagogiske og didaktiske aktivitetar som kan styrkje studiekvalitet og læringskultur ved HVL. Akademiet sin aktivitet skal kome dei meritterte sjølve, studentar, utdanningsleiarar og fagtilsette ved HVL til gode.

Strategiske satsingsområde

Dei strategiske utviklings- og utdanningsområda akademiet skal bidra inn mot i 2026 er:

styrking av digital kompetanse og læringsdesign
tiltak for å byggje sterkare kunnskapsbru til samfunnet
styrkje forskinga til undervisarane i og på eigen praksis
bidra til programutvikling og heilskap i HVL sitt studietilbod
fremje studentaktive lærings- og arbeidsformer
styrkje utdanningane si profesjonsorientering
styrkje medvitet og arbeidet med å etablere gode læringsmiljø

Mandat

Mandat for pedagogisk akademi ved HVL er under arbeid, meir informasjon kjem her.

Koordineringsgruppa 2026-28

Koordineringsgruppa for perioden 2026–2028 er etablert, og har ansvar for å utvikle struktur, årshjul, møteplan og aktivitetar, samt å representere akademiet nasjonalt. Dei vil bruke meritterte som ressursar i faglege diskusjonar og utforske korleis akademiet kan påverke utdanningsverksemda på ein utfyllande og konstruktiv måte.